قال ليك هدا واحد سكران كان غادي سايق و هما يوقفوه البوليس قالو ليه جبد لاكارت
و هو يقول ليهم اتصالات و لا ميديتيل
و هما يقولوا ليه يالاه معانا
شبعوه عصا و في الاخر قالو ليه كيف جاتك التعبئة
قال ليهم الحمد لله الي مامدوبلاش
ــــــــــــــــــــــــــــــــــــــــــــــــــ ــــــــ
هدا واحد جوج ثلاثة اربعة تحماو على زيرو.. زيرو شاف القضية حامضة.. تحزم.. ولا ثمانية عطاهم لعصا
ــــــــــــــــــــــــــــــــــــــــــــــــــ ــــــــ
استاد سول الدراري شحال خمسة فخسمة تاواحد ماجاوب من غير واحد الكسول قال ليه 25 هويقول ليه غوت سمعهوم وهو يغوت وعععععععععععكككك وعععععععاك أعباد الله
ــــــــــــــــــــــــــــــــــــــــــــــــــ ــــــــ
واحد معكس ديما شاد الضد قالو ليه صحابو حيد ديك السنة لمسوسة غاتسوس ليك السنان مشا عند الطبيب وبدا يقول ليه حيد ليا هادي وحيد هادي وحيد هادي خلا غير السنة لمسوسة وقال ليها بقيتي بوحدك وشوفي اش غاتسوسي دابا
ــــــــــــــــــــــــــــــــــــــــــــــــــ ــــــــ
غليظ بزاف تبارك الله مشا يتعبر وقف فالميزان خرجات ليه مكتوب فيها خوتي واحد واحد الله يخليكم
ــــــــــــــــــــــــــــــــــــــــــــــــــ ــــــــ
قزم مشا يتصور صورة يدير لكارط ناسيونال هو يخرج فيها كامل
ــــــــــــــــــــــــــــــــــــــــــــــــــ ــــــــ
طويل بزااااف شرب كاس لحليب ومات جاو شوفوا لقاو لحليب مجا يوصل للمعدة حتا انتهت مدة الصلاحية
ــــــــــــــــــــــــــــــــــــــــــــــــــ ــــــــ
واحد مشا عند صاحبو للمدينة وعرض عليه للفريت و لمايونيز وقال ليه لفريت اه ولكن الزبدة علاش
ــــــــــــــــــــــــــــــــــــــــــــــــــ ــــــــ
واحد قالو ليه غادي تمثل لينا اشهار مع السبع انه كياكلك وغانفسرو ليك كلشي وقال ليهم سيرو فسرو للسبع بعدا
___________________________
معكاز واحد النهار مراتو كدق الباب نسات الساروت مافيه مينوض قال ليها سيري لدار باك راك مطلقة
________________________________
واحد بايت بالجوع حلم راسو كياكل لملوي فاق لقا راسو صارط كاشا
__________________________
راجل معقول غادي وطاح فحفرة ناض منها وشاف حفرة قدامو قال اوف عوتاني هنطيج
______________________________
وحدة قالت لراجلها حلمت البارح شريتي ليا لبسة واعرة وقال ليها اليوم حلمي راسك لابساها
___________________
واحد ديما كيهز شي حاجة من دارهم واحد النهار شفر بورطابل ديال خوه تاصلو بيه من الدار قالو ليه رد البورطابل وقال ليهم نتوما اي حاجة تمشي لصقوها فيا
_________________________________
واحد غادي وقف عليه شفار بموس قال ليه تلفون ديالك قال ليه قيد عندك 078421353124
ــــــــــــــــــــــــــــــــــــــــــــــــــ ــــــــ
واحد سميتو مبارك شرا حولي داخل بيه للدرب جارتو شافتو من الشرجم قالت ليه مبارك الحولي قال ليها خدوج النعجة
ــــــــــــــــــــــــــــــــــــــــــــــــــ ــــــــ
واحد الشفار دخل لواحد الدار... هي تشدو مولات الدار غلييييييظة و هي تجلس عليه و هي تعيط على ولدها: مصطفى !!!!!! عيط دابا لبوليس... و هو يقول ليه داك الشفار: سربي دغية أخويا مصطفى
الرئيسية 
